Blog Layout
Forritun og tækni framtíðin. Ró-Box hannar og selur róbotasett
Forritun og tækni framtíðin
Ró-Box hannar og selur róbotasett með það í huga að kveikja áhuga og auka skilning krakka á tækni og forritun.
Tæknifyrirtækið Ró-Box var á dögunum valið fyrirtæki ársins í samkeppni Ungra frumkvöðla á Íslandi, en fyrirtækið hannar og selur sett til þess að setja saman og forrita róbota. Mun það því keppa fyrir hönd Íslands í Evrópukeppni Ungra frumkvöðla í Lille í Frakklandi í byrjun júlí.
Fyrirtækið varð til þegar fimm nemendur Tækniskólans tóku sig saman í frumkvöðlaáfanga í náminu og útfærðu hugmyndina, en er skráð einkahlutafélag í dag, og stefnir á áframhaldandi starfsemi og uppbyggingu.
Sjá nánar frétt í Viðskiptablaðinu
Ungir frumkvöðlar - JA Iceland og KLAK Samningur var undirritaður nýverið milli KLAKS og Ungra frumkvöðla - JA Iceland. Vinningshafar Gulleggsins á háskólastigi keppa fyrir Íslands hönd á GEN_E 2025 sem fer fram í Aþenu, Grikklandi 1.- 3. júlí, en GEN_E er stæsta nýsköpunarkeppni í Evrópu. Þetta er skemmtileg nýjung og við verðum þá með lið bæði á framhalds- og háskólastigi í keppninni.. Úrslit Gulleggsins fara fram í Grósku 14. febrúar og úrslit Fyrirtækjasmiðju Ungra frumkvöðla fara fram í Arion banka 30. apríl. Það verður spennandi að sjá hverjir verða hinir útvöldu sem fá að taka þátt í þessari frábæru keppni.
"Sparkið 2025" fer fram í Háskólanum í Reykjavík föstudaginn 10. janúar kl. 16.00 - 17.00. Þar mun Ragnhildur Helgadóttir rektor Háskólans í Reykjavík bjóða fólk velkomið og Halla Tómasdóttir forseti Íslands vera með opnunarávarp. Orri Einarsson stjórnarmaður í JA Alumni mun segja frá starfsemi JA Alumni á önninni. Að því loknu munu vinningshafar fyrri ára segja frá reynslu sinni og hvað á daga þeirra hefur drifið frá þátttöku í Fyrirtækjasmiðju Ungra frumkvöðla. Við vonumst til að sjá sem flesta nemendur, mentora og kennara sem verða með í Fyrirtækjasmiðjunni á vorönninni.
Í desember 2024 skrifuðu Guðmundur Kristjánsson forstjóri Brim hf. og Petra Bragadóttir framkvæmdastjóri Ungra frumkvöðla - JA Iceland undir samstarfssamning. Við bjóðum öflugan samstarfsaðila velkominn í hópinn og þökkum stuðninginn.
